رَنگِ قادری

جو چاہیے تُجھےخُدا, تو رنگِ قادری چڑھا.
یہاں وہاں ملے گا کیا, تو رنگِ قادری چڑھا.

نہر رَواں دَواں سہی, ڈوبنا یہاں نہیں
مزاہ لے بحر عشق کا , تو رنگِ قادری چڑھا

ہیں شاخ سب ہری بھری پھول سے  لدی لدی.
جو شجرہ قادری پڑھا , تو رنگِ قادری چڑھا

بے خوف رِہ,  نہ رنج کھا, کیا فکر حشر و نار کا
دامن میں لینگے یہ چُھپا تو رنگِ قادری چڑھا.

جو انکے گیت گائے گا, وہ ایک دن پائے گا.
ولی, علی نبی خُدا ,, تو رنگِ قادری چڑھا

تلاش خضر میں یہاں وَہاں بھٹکنا چھوڑ دے.
ملیں گے تجھ کو مصطفیٰ ,تو رنگِ قادری چڑھا.

منافقوں سے دُور ھو , ادب کی راہ سیکھ لے
وصال و قرب پائے گا, تو رنگِ قادری چڑھا.

مشقتوں میں پڑ گیا, جو اِنکے در  سے پھر گیا
بنالے دِل کو آئینہ , تو رنگِ قادری چڑھا

کہیں گے تجھ سے بالیقیں وارثی عشرت حزیں
سُنا تو بزمِ اُولیاء, تو رنگِ قادری چڑھا