میرے سرکار کا دہن

یہ ارض و سما کیا جِناں ہے دہن سے
جِناں کیا یہ ہر دُو جہاں ہے دہن سے.

فصاحت کا چشمہ رَواں ہے دہن سے.
بلاغت کا دریا عیاں ہے دہن سے

مِلی ہے جو پرواز انکا کرم ہے.
کہ ہر سانس مدحِ زُباں ہے دہن سے

لجاتے ہیں گُل بھی جسے دیکھتے ہی
کہ حُسنِ چمن کا نشاں ہے دہن سے

پلٹتا ہے سورج , قمر چِر کے دو ہو
سُنے جب ذرا سی اذاں ہے دہن سے

جو تشنہ تھا خُود تِشنگی کیا مِٹاتا
ہُوا قَند شُوراں کُنواں  ہے دہن سے

سحر ٹوٹ جائے, وہ زُنّار چُھوٹیں،
وہ شیریں سُخن کا بیاں ہے دہن سے

جو لِکھوایا مجھ سے وہ مقبول کرنا
یا , مُولانا حضرت , سماں ہے دَہن سے

نہیں پِسرِ عباس کی مِثل کوئی .
یہ تفسیر و حکمت لِساں ہے دہن سے

کہاں تیری مِدحت کہاں مجھ سا منگتا
کہ ممکن ثنا حق کہاں ہے دہن سے

بچا ہے جو پانی وُہ مُشکِ خُتن ہے
کہ ہر ایک خُوشبو کی جاں ہے دہن سے

یہ لفظوں کی بارش عطا ہے اُنہی کی
خیال و فکر بھی کماں ہے دہن سے

کیا حسان و رُومی کیا جامی و سعدی
ہر اِک انکا رطب اللسَّاں ہے دہن سے

پئے چار یاروں کے وارثی عشرت
عطا وہ چبایا جو ناں ہے دہن سے

14 January 2015